Gvardiola jamoasiga nima bo'lyapti?

 

"Manchester Siti " APLda ketma-ket uchta o'yinda durang o'ynadi va oxirgi o'yinda mag'lubiyat alamini totib ko'rdi. Bu uzoq vaqtdan beri Yevropaning eng kuchli jamoasi deb atalgan klub uchun o'ziga xos voqea bo'ldi. "Siti" 2016/2017-yilgi mavsumdan beri ketma-ket uchta o'yinni g'alabasiz o'tkazmagan. Bu Gvardiolaning endigina shakllanayotgan jamoadagi birinchi yili edi va asosiy tarkibda darvozabon Villi Kabalero va hujumchi Nolito kabilar harakat qilardi.

 

Hozir “Siti”da har bir pozitsiyada top-futbolchi bor, shuning uchun ham natijalar hayratlanarli. Hali mavsumning 15-turi ortda qoldi. Ammo jamoa “Arsenal”dan olti ochkolik farq bilan ortda qolmoqda.

 

Uch duranglardan eng hayratlanarlisi “Chelsi” bilan o'tgan o'yin bo'ldi. Urilgan gollar vaqtiga nazar tashlasangiz, londonliklar “qayta tiklandi” deb o'ylashingiz mumkin. Biroq, o‘yin borasida “Chelsi” raqibidan ham yaxshiroq ko‘rindi.

 

"Chelsi" bosh murabbiyi Pochettino tartibsiz futbolni joriy etishga muvaffaq bo'ldi, "Siti" esa to'pni nazorat qila olmadi. Gvardiola o'yinni o'zgartira oladigan almashtirishlarni amalga oshirdi (Doku o'rniga Grealish, Alvares o'rniga Kovachich maydonga tushdi), ammo vaziyat o'zgarmadi. O'yin esa 4:4 hisobidagi natija bilan yakunlandi.

 

"Liverpul" va "Tottenhem" bilan o'yinlar ham durang bilan yakunlandi. "Siti" ko'proq imkoniyatlar yaratdi, ammo ularning ijrosi borasida kamchiliklarga duch keldi. Bu, ayniqsa, “Tottenhem”ga qarshi o‘yinning birinchi bo‘limida yaratilgan imkoniyatlarga ko'proq mos keladi.

 

Norvegiyalik futbolchi Erling Holand "Tottenhem" bilan o'yinda ikkita golli uzatma amalga oshirishi mumkin edi, biroq u faqat bitta golga erisha oldi. Bundan tashqari, "Manchester Siti" so'nggi turda "Aston Villa"ga kichik hisobda imkoniyatni boy berdi. Shu tariqa jamoa raqiblaridan bir necha ochkoga ortda qolib ketdi.