Armaniston va Ozarbayjon yarashmoqchi
Ikki davlat tinchlik shartnomasini imzolash niyatida.
Armaniston TIV rahbari Ararat Mirzoyan AQSH Davlat kotibi Entoni Blinkenning taklifiga binoan Vashingtonda ozarbayjonlik hamkasbi Jayhun Bayramov bilan uchrashib, ikki davlat o‘rtasida tinchlik bitimini o‘rnatishga tayyorligini maʼlum qildi.
Ararat Mirzoyan AQSH Davlat departamentining Kavkaz masalalari bo‘yicha maslahatchisi Luis Bono bilan uchrashuvda bunga rozi bo‘lganini aytdi.
"Tomonlar mintaqaviy xavfsizlik va barqarorlikka oid masalalarni muhokama qildi. Armaniston AQSHning Ozarbayjon tashqi ishlar vaziri bilan Vashingtonda uchrashuv o‘tkazish taklifiga ijobiy munosabat bildirdi", — deyiladi xabarda.
Yaqinda Ozarbayjon Respublikasi Prezidenti administratsiyasi va Armaniston Respublikasi Bosh vaziri devoni qo‘shma bayonot berib, ikki davlat o‘z munosabatlarini tartibga solish va suverenitet, hududiy yaxlitlik hamda tinchlik tamoyillari asosida tinchlik kelishuviga erishish niyatida ekanini tasdiqladi. Kelishuv doirasida Boku 32 nafar armanistonlik harbiyni, Yerevan esa ikki nafar ozarbayjonlik harbiyni ozod qiladi. Tomonlar ikki davlat o‘rtasidagi ishonchni oshirishga harakat qiladi. Bu, shubhasiz, Janubiy Kavkaz mintaqasiga ijobiy taʼsir ko‘rsatadi.
Muzokaralar natijasida ikki davlat o‘rtasidagi ishonchni mustahkamlash bo‘yicha uchta asosiy yo‘nalishni o‘z zimmasiga olish bo‘yicha kelishuvga erishildi.
Kecha Ozarbayjon TIV Armanistonni tinchlik bitimini o‘rnatish bo‘yicha muzokaralarni yangilashga chaqirgan edi.
