Messining Qatarda kiygan futbolkalari 7,8 mln dollarga sotildi
Mablag‘ning bir qismi xayriya ishlariga yo‘naltirilishi xabar qilingan.
Noyabr oyida Nyu-Yorkdagi auksionda Argentina milliy jamoasi hujumchisi JCH-2022da o‘ynagan 6 ta futbolka auksionga qo‘yilgandi. To‘plamda Messining guruh bosqichidagi ikki o‘yinda, 1/8 final, chorakfinal, yarimfinal va finalda kiygan futbolkalari joy olgan.
Sotuvdan tushgan mablag‘ 7 803 000 dollarni tashkil etdi. Avvalroq mablag‘ning bir qismi xayriya ishlariga yo‘naltirilishi xabar qilingandi.
Ma’lumot o‘rnida, sportda sotilgan eng qimmat libos Maykl Jordanning 1998 yilgi NBA finalidagi formasi bo‘lib qolmoqda. U kimoshdi savdosida 8,1 mln funt sterlingga sotilgan.
