Bundesver brigadasi 2025-yilda Litvada xizmat ko‘rsatishni boshlaydi
Brigada 5 000 kishidan iborat bo‘lib, uning asosini Bavariya va Shimoliy Reyn-Vestfaliyadan ikkita Bundesver batalyonlari tashkil qiladi.
Kelgusi yil oxiriga qadar Litvada birinchi brigada komandiri boshchiligida to‘liq guruhni yaratish rejalashtirilgan, deya xabar bermoqda dpa. Brigada 5000 kishidan iborat bo‘lib, uning asosini Bavariya va Shimoliy Reyn-Vestfaliyadan ikkita Bundesver batalyonlari tashkil qiladi. Ularga Germaniya qo‘mondonligi ostida Litvada bo‘lgan NATOning ko‘p millatli jangovar guruhi qo‘shiladi.
Shunday qilib, Germaniya Litva bilan qo‘shma rejaning keyingi bosqichiga o‘tadi, bu haqda Germaniya mudofaa vaziri Boris Pistorius iyun oyi oxirida Vilnyusga tashrifi chog‘ida eʼlon qilgan edi. 18 dekabr kuni u Litva poytaxtida hamkasbi Arvidas Anushauskas bilan birgalikda brigadani joylashtirish bo‘yicha yo‘l xaritasini imzolashi rejalashtirilgan.
16 dekabr kuni Velt am Sonntag gazetasiga bergan intervyusida Pistorius Putinning Boltiqbo‘yi mamlakatlari, Gruziya va Moldovaga qarshi tahdidlariga “juda jiddiy” munosabatda bo‘lish kerakligini aytdi.
"Bu shunchaki qurolli hujum emas. Ushbu o‘n yillikning oxirida biz xavf-xatarlarga duch kelishimiz mumkin. Lekin u paytgacha biz ularga tayyor bo‘lamiz", — deya taxmin qildi Germaniya Mudofaa vazirligi rahbari.
