Janubiy Koreyada o‘qituvchi 90 soniya sabab sudga berildi
Mamlakatdagi o‘nlab o‘quvchilar hukumatdan tovon puli talab qilmoqda.
Janubiy Koreyadagi o‘nlab o‘quvchilar hukumatdan tovon puli talab qilmoqda. Bunga oliy o‘quv yurtlariga kirish imtihoni belgilangan vaqtdan 90 soniya oldin tugatilgani sabab qilib ko‘rsatilmoqda.
Kamida 39 nafar o‘quvchi Seul markaziy okrug sudiga imtihonni qayta topshirish uchun bir yillik o‘qish xarajatlarining qoplanishini so‘rab, murojaat qilgan.
Maʼlum qilinishicha, ularning har biri 20 million von talab qilmoqda. Daʼvo arizasida aytilishicha, “Kyungdong” o‘rta maktabida bo‘lib o‘tgan imtihon paytida birinchi topshiriq tugagani haqida xabar beruvchi qo‘ng‘iroq belgilangan vaqtdan 90 soniya oldin chalingan.
Rasmiylarning taʼkidlashicha, masʼul o‘qituvchi signal tugmasini tasodifan bosib yuborgan. O‘quvchilarning aytishicha, bu imtihon natijalariga o‘z taʼsirini ko‘rsatmay qolmagan.
