Yangi Nafas – ekiden ommaviy yugurish musobaqasi o'tkaziladi
Musobaqa "Yangi O‘zbekiston" bog‘ida tashkil etiladi.
Joriy yilning 24 dekabr kuni soat 11:00 da Yangi Nafas xalqaro sport harakatining doirasida "Yangi O‘zbekiston" bog‘ida O‘zbekiston Respublikasi Konstitutsiyasi qabul qilingan kunga bag‘ishlangan jamoaviy musobaqalar bo‘lib o‘tadi.
Musobaqalar doirasida Yangi Nafas – ekiden musobaqalari erkaklar, ayollar va aralash estafetada o‘tkaziladi. Unda g‘alaba qozongan jamoalarga tashkilotchilar tomonidan quyidagi pul mukofotlari topshirilishi ko‘zda tutilgan:
1- o‘rin uchun – 7 000 000 so‘m
2- o‘rin uchun – 5 000 000 so‘m
3- o‘rin uchun – 3 000 000 so‘m
Musobaqalarni tashkil etishda Oliy ta’lim, fan va innovatsiyalar vazirligi, Sog‘liqni saqlash vazirligi, Ichki ishlar vazirligi, Favqulodda vaziyatlar vazirligi, Maktabgacha va maktab ta’limi vazirligi, O‘zbekiston Respublikasi Yoshlar siyosati va sport vazirligi, “Asaka bank” ATB, BYD Uzbekistan Factory, “O‘zbekneftgaz” AJ va O‘zbekiston yengil atletika federatsiyasi ishtirok etmoqda.
