Erondagi portlashdan so‘ng neft narxi ko‘tarildi
Liviyadagi konda qazib olish ishlari ham to‘xtatilgan.
Erondagi portlashlar haqidagi xabarlardan so‘ng benchmark neft narxi keskin ko‘tarila boshladi.
Londonning ICE Futures birjasida Brent markali neftning mart fyucherslari narxi 2,39 dollarga (3,15 foizga) oshib, bir barrel uchun 78,28 dollarni tashkil qildi.
Nyu-York tovar birjasida fevral oyidagi WTI nefti fyucherslari narxi 2,33 dollarga (3,31 foizga) ko‘tarilib, bir barrel uchun 72,71 dollarni tashkil qildi.
Eslatib o‘tamiz, general Qosim Sulaymoniy qabri yonida sodir bo‘lgan portlashlarda yuzdan ortiq odam yuzdan ortiq odam halok bo‘lgan, 170 ga yaqin kishi jarohatlangan.
Tergovning dastlabki natijalariga ko‘ra, ikkita qopga solingan portlovchi moddalar qabristonda qoldirilgan va masofadan turib portlatilgan.
Eron razvedka xizmatlari buni terror hujumi deb hisoblamoqda.
