"Men ham ularning darajasiga yeta olaman"
Leau tanqidlarga javob berdi.
“Milan” hujumchisi Rafael Leau o‘zining o‘yin uslubi haqida gapirdi. Portugaliyalik futbolchiga barqarorlik yetishmaydi va ko‘pinchi muxlis va mutaxassislar tanqidiga nishon bo‘ladi.
Iste’dodli hujumchi yuqori darajada o‘ynashiga nima halaqit qilayotgani haqidagi savollarga javob berdi.
"Menga nima yetishmaydi? Men xudbin emasman. O‘zim ham gol urishim mumkin, lekin jamoadoshimga qulay pas uzatish imkoniyati bo‘lsa, albatta to‘pni unga uzataman. Yuqori darajada har bir raqam muhim hisoblanadi. Lionel Messi, Kilian Mbappe va Erling Holand ham jamoadoshlariga golli pas uzatadi. Ular qayd etayotgan ko‘rsatkichlar buni ko‘rsatib turibdi. Men ham ularning darajasiga yeta olaman", - dedi Rafael Leau.
