Koreyaning yetakchi klubi o‘zbekistonlik futbolchi bilan shartnoma tuzdi
Ushbu klub yetti karra mamlakat chempioni hisoblanadi.
Koreyaning yetti karra chempioni "Seongnam" klubi o‘zbekistonlik yarim himoyachini o‘z safiga qo‘shib oldi. O‘zbekistonlik yarim himoyachi Ikrom Aliboyev faoliyatini yana Koreya Respublikasida davom ettiradi. Dekabr oyida "Kanvon" bilan xayrlashgan Aliboyev "Seongnam" klubi bilan shartnoma tuzdi.
Ma’lumot uchun, "Seongnam" 7 karra mamlakat chempioni, 3 karra kubok sohibi, 3 karra liga kubogi sohibi, 1 karra Superkubok sohibi va 1 karra Prezident kubogi sohibi hisoblanadi. Mazkur klub 1995 yilda Osiyo chempionlar kubogi, 2010 yilda esa Osiyo chempionlar ligasida g‘olib chiqqan. 2010 yil o‘tkazilgan Klublar o‘rtasidagi Jahon chempionatida to‘rtinchi o‘rinni egallagan.
Eslatib o‘tamiz, bunga qadar "Seongnam" klubida o‘zbekistonlik Server Jeparov va Jamshid Iskanderov to‘p tepgan.
