Yaponiya Ukrainaga raketa yetkazib bermoqchi
Ular havo mudofaasi uchun ishlatiladi.
Yaponiya Ukrainaning havo mudofaasi uchun asosiy raketa yetkazib beruvchi bo‘lishi mumkin. Bu haqda The New York Times nashri xabar bermoqda.
Qayd etilishicha, Qo‘shma Shtatlar yaqin orada Ukrainaga Patriot raketalarini yetkazib bera olmaydi. Asosiy savol bu raketalarni sotib olishni kim moliyalashtirishi.
Ushbu turdagi bitta raketaning narxi 4 million dollarga yetadi. Yaponiya allaqachon mudofaa uskunalarini eksport qilish qoidalariga o‘zgartirishlar kiritgan. Endi mamlakat nafaqat butlovchi qismlarni, balki tayyor uskunalarni ham sotishi mumkin.
