"Bavariya" Tuxel mavsum oxirida jamoani tark etishini e'lon qildi
Uning o'rniga kim kelishi noma'lum.
Myunxenning "Bavariya" klubi bosh murabbiyi Tomas Tuxelning jamoadan ketganini e'lon qildi. Klub va mutaxassis birgalikda 2025-yilning 30-iyunida tugashi mo'ljallangan hamkorlikni to'xtatishga qaror qilishdi. Tuxel joriy mavsum oxirida "Bavariya"ni tark etadi.
Eslatib o'tamiz, Tomas Tuxel 2023-yilning mart oyida "Bavariya"ni qabul olgan edi. Uning qo'l ostida jamoa 2022/2023-yilgi mavsumda Bundesligada g'olib chiqqan.
Joriy mavsumda Bundesliganing 22-turidan so‘ng “Bavariya” peshqadam “Bayer”dan 8 ochko ortda qolgan holda turnir jadvalida ikkinchi o‘rinni egallab turibdi.
