"Barsa" "Real"ga yaqinlasha olmayapti
Yulduz futbolchilarning barchasi Madrid klubini tanlamoqda.
"Marca" nashrining xabariga ko‘ra, madridliklar hozirda "davlat klublari" bilan raqobatlashmoqda va "Barselona" yosh yulduzlar uchun kurashda ularga yaqinlasha olmayapti. "Real" endi "Barselona"ni nafaqat transferlar, balki boshqa ko‘plab holatlarda ham raqib deb hisoblamaydi.
Madrid klubi Kilian Mbappe transferidan so‘ng jamoaning hozirgi futbolchilaridan hech biri sotilmasligiga ishonch bildirmoqda. Qolaversa, fransiyalik futbolchi kelayotgan yozda "Real"ga yangi kelgan yagona futbolchi bo‘lmaydi.
"Real" va "Barsa" rahbarlari hozir klublar orasidagi masofa qanchalik katta ekanligini bilishadi.
Qayd etilishicha, kataloniyaliklar turli davrlarda Vinisius, Rodrigo, Jud Bellinghem, Arda Guler, Endrik, Kilian Mbappeni o‘z safiga qo‘shib olmoqchi bo‘lgan, biroq bu futbolchilarning barchasi "Real"ga o‘tgan va o‘tmoqda. Endi "Barsa" Erling Holandga da’vogarlik qilmoqchi, garchi klub rahbarlari va sport direktori uning transferi imkonsiz ekanligini bilishsa-da.
