Toshkentda noqonuniy tamaki mahsulotlari bilan bog'liq holat aniqlandi
Hozirda tergov harakatlari olib borilmoqda.
Bosh prokuratura huzuridagi departamentning Mirzo Ulug‘bek tuman bo‘limi tomonidan soliq inspeksiyasi xodimlari bilan hamkorlikda tekshiruv tadbirlari o‘tkazildi. Toshkent shahri Mirzo Ulug‘bek tumanida aksiz markasiz tamaki mahsulotlarini muomalaga kiritilishining oldi olindi.
Bosh prokuratura huzuridagi departamentning Mirzo Ulug‘bek tuman bo‘limi tomonidan soliq inspeksiyasi xodimlari bilan hamkorlikda tekshiruv tadbirlari o‘tkazilgan.
Unda tamaki mahsulotlari savdosi bilan shug‘ullanib kelgan fuqarolar F.X. va S.I. Hamid Olimjon ko‘chasi 10-uy oldida hech qanday hujjatsiz tamaki mahsulotlari savdosi bilan shug‘ullanib kelgani aniqlangan. Ularning yonidan umumiy bahosi 280,2 mln so‘mlik jami 3 918 quti xorijda ishlab chiqarilgan aksiz markasiz tamaki mahsulotlari ashyoviy dalil sifatida olingan. Mazkur holatlar yuzasidan Jinoyat kodeksining 186-1-moddasi bilan jinoyat ishlari qo‘zg‘atilib, tergov harakatlari o‘tkazilmoqda.
