O‘zbekiston Suriyani yirik hisobda mag‘lub etdi
O‘zbekiston terma jamoasi navbatdagi uchrashuvini Janubiy Koreyaga qarshi o‘tkazadi.
O‘zbekiston milliy terma jamoasi Toshkentda Suriyaga qarshi o‘rtoqlik uchrashuvida maydonga tushdi.
«Paxtakor» stadionida o‘tgan bahsda Fabio Kannavaro shogirdlari 4:1 hisobida g‘alaba qozondi. Uchrashuvning 28-daqiqasida Sherzod Esanov hisobni ochdi. Birinchi bo‘lim yakunlanishiga bir daqiqa qolganida Akmal Mozgovoy O‘zbekistonning ikkinchi golini urdi.
Ikkinchi bo‘lim boshida Husayn Norchayev hisobni 3:0 ko‘rinishiga keltirdi. Hujumchi 90-daqiqada yana bir bor gol urib, dublini rasmiylashtirdi.
Suriyaning yagona goli esa uchrashuv yakunida O‘zbekiston futbolchisi Muhammad Hakimovning avtogoli natijasida qayd etildi.
O‘zbekiston — Suriya 4:1
Gollar: Esanov 28, Mozgovoy 44, Norchayev 48, 90 — Hakimov 90+3 (avtogol).
Ma’lumot uchun, O‘zbekiston terma jamoasi navbatdagi uchrashuvini 6-oktyabr kuni mehmonda Janubiy Koreyaga qarshi o‘tkazadi.
