Rossiyada nogiron erkaklar soni rekord darajada ko‘paydi
Rossiyada 31–59 yoshli erkaklar o‘rtasida nogironlar ulushi keskin o‘sdi.
2023-yilda shu yosh toifasidagi nogiron erkaklar soni 2,17 million kishini tashkil etib, so‘nggi 8 yildagi rekord qayd etildi. Bu haqda “Vyorstka” nashri Pensiya va ijtimoiy sug‘urtalash jamg‘armasiga asoslanib xabar berdi.
2022-yilda 31–59 yoshlilar toifasida 1,67 million nafar nogiron ro‘yxatga olingandi. Nashrning yozishicha, bir yil ichida bunday shaxslar safi 30 foizga kengaygan yoki 507 ming nafarga ko‘paygan.
Demograf Aleksey Raksha “Vyorstka” bilan suhbatda nogiron erkaklar soni jangovar harakatlar qatnashchilari hisobiga ko‘paygan, degan fikrni bildirdi.
