"Arsenal" yaponiyalik himoyachi bilan yangi shartnoma imzoladi
Futbolchi jamoada yana to'rt yil qoladi.
"Arsenal" futbol klubi yaponiyalik futbolchi Takehiro Tomiyasu bilan shartnomani uzaytirganini e'lon qildi. Qayd etilishicha, himoyachi uzoq muddatli shartnoma imzolagan.
Eslatib o'tamiz, avvalroq Takehiro kelajagini 2028-yilning iyun oyi oxirigacha "kanonirlar" bilan bog'lashi haqida ma'lumotlar paydo bo'lgandi. Tomiyasu 2021-yilda "Bolonya"dan "Arsenal"ga o'tgan edi. Joriy mavsumda himoyachi “kanonirlar” safida barcha musobaqalarda 20 ta o‘yin o‘tkazib, bitta gol urdi va 3 ta golli uzatmaga mualliflik qildi.
