Dunyoning eng yaxshi yosh hujumkor futbolchilari
Ular orasida kimlar bor?
Hozirda bir qancha yosh futbolchilar yuqori saviyada o'ynashmoqda. "Goal" portali 2005-yil 1-yanvardan keyin tug‘ilgan dunyodagi eng yaxshi hujumkor futbolchilari ro‘yxatini tuzdi. Bu kuchli beshlikka kimlar kirgan?
5-o‘rin – Arda Guler
"Real Madrid" yarim himoyachisi joriy mavsumda bor yo'g'i 7 ta o'yinda maydonga tushib, bitta gol urgan. 19 yoshli futbolchi jarohati sabab chempionatning yarmini o'tkazib yubordi.
4-o'rin - Matis Tel
"Bavariya" hujumchisi joriy mavsumda 33 ta o'yinda maydonga tushdi. 18 yoshli futbolchi sakkizta gol urdi va to‘rtta golli uzatmani amalga oshirdi.
3-o'rin - Uorren Zair-Emeri
18 yoshli yarim himoyachi "PSJ" safida 33 ta o‘yin o‘tkazib, 3 ta gol urdi va 6 ta golli uzatmani amalga oshirdi.
2-o'rin - Endrik
"Palmeyras"ning 17 yoshli forvardi joriy mavsumda 6 ta o'yinda maydonga tushib, 1 ta gol urdi va 1 ta golli uzatmani amalga oshirdi. 2024-yilning yozida u "Real Madrid"ga o'tadi.
1-o'rin - Lamin Yamal
16 yoshli vinger “Barselona” safida 39 ta o‘yinda maydonga tushgan. Uning hisobida oltita gol va yettita golli uzatma bor.
