"Bavariya" chempionlik poygasidan chiqdimi?

 

Bundesliganing 27-turidan o'rin olgan asosiy o'yinda har ikki jamoaning asosiy darvozabonlari maydonga tusha olishmadi. “Borussiya” darvozaboni Kobel bir necha haftadan beri jarohatidan forig‘ bo‘layotgan bo‘lsa, “Bavariya” darvozaboni Noyer ham yaqinda Germaniya terma jamoasi mashg‘ulotlarida jarohat oldi.

 

An'anaga ko'ra, uchrashuv Keynning ajoyib imkoniyatlari bilan boshlandi. Angliyalik futbolchi birinchi bo‘limda darvoza tomon uch marta zarba berdi, biroq har safar unga omad yetishmadi. Mehmonlar esa o'zlariga berilgan barcha imkoniyatlardan unumli foydalanishdi. Bir vaqt Myuller raqib maydonida to‘pni yo‘qotib qo‘ydi va bu “Borussiya”ning qarshi hujumi Adeyemining goli bilan yakunlandi. Ulrayx jamoasini qutqarish imkoniyatiga ega edi, biroq uning qo'llari orasidan to'p darvozaga kirib ketdi. "Bavariya" birinchi bo'limda ko'proq imkoniyatlar yaratdi. "Borussiya" tarkibidagi eng yaxshi futbolchilardan biri Xummels bo'ldi, u muntazam ravishda myunxenliklarning hujumini to'xtatib turdi.

 

Ikkinchi bo'limda "Bavariya" maydondagi to'liq ustunlikni o'ziga oldi, ammo Dortmundning kamdan-kam uchraydigan imkoniyatlari yanada xavfliroq ko'rinish oldi. 53-daqiqada Nmecha yetti metrdan gol urishi mumkin edi biroq Ulrayx to'pni chiziq ustidan qaytarib qoldi. "Bavariya"ning o'rinbosarlari orasida Gnabri, Koman, Tel va hatto Choupo-Moting bor imkoniyatlari darajasida harakat qilishdi, ammo gol ura olishmadi. Natijada "Borussiya" bu vaqtda ichida ikkinchi golni ham urishga muvaffaq bo'ldi. Ruerson jarima maydonchasi tashqarisidan uzoq burchakka zarba berdi. Bu yerda darvozabon uchun hech qanday imkoniyat qoldirilmagan edi. Shundan so'ng "Bavariya" muxlislari stadionni tark eta boshlashdi.

 

Aytish mumkinki, "Borussiya"ning g'alabasi chempionlik poygasiga o'z ta'sirini o'tkazdi. Endi yagona savol tug'iladi. "Bayer" o'z tarixidagi ilk chempionlikni qaysi turda qo'lga kiritadi? Qolgan yetti turda leverkuzenliklar faqat uch marta g'alaba qozonishlari kerak. Bu esa jamoaga muddatidan oldin chempionlikni taqdim etadi.