Kloppning "Liverpul"dagi so'nggi mavsumi ayanchli yakun topmoqda
Jamoa derbida “Everton”ga imkoniyatni boy berdi.
"Everton"ni chempionshipga tushib ketishi ko'pchilikni hayratga soladigan voqea bo'lishi aniq edi. Jamoa Liverpul derbisida mag'lub bo'lsa ko'p narsani yo'qotardi. Shon Daych jamoasi yana bir og‘ir mavsumni o‘tkazmoqda. Ular ham maydonda, ham FA qarori bilan muntazam ochko yo‘qotishdi, biroq “Liverpul” bilan o‘yin “Everton” muxlislarining kayfiyatini o‘zgartirdi.
Ajablanarlisi: “Liverpul” dastlabki 30 daqiqada maydonga yo'qdek tuyuldi. Asosiy tarkibda Muhammad Saloh, Darvin Nunes, Aleksis Mak Allister va Dominik Szoboslay kabi futbolchilar bo'lishiga qaramay jamoa o'sha kuni o'ziga o'xshamadi. Oltinchi daqiqadayoq hakam “Everton” foydasiga penalti belgiladi, biroq VAR aralashib, uni ofsayd deb topdi. Ko'p o'tmay Dominik Kalvert-Lyuin ajoyib imkoniyatni yo'qqa chiqardi. Shunga qaramay 27-daqiqada “Everton” hisobni ochdi.
Shundan keyingina "Liverpul" uyg'ondi. Biroq, “Liverpul” birin-ketin imkoniyatlarni qo'ldan boy berdi (Saloh o‘yinda yetti marta zarba berdi). Mezbonlar esa vaqtni cho'zishga harakat qilishdi. 58-daqiqada esa “Everton” ikkinchi golni urdi. Va buni mavsum davomida omadsizlikka uchrayotgan Kalvert-Lyuin amalga oshirdi.
"Liverpul" esa gol ura olmadi. Luis Diaz o'yin oxirlarida darvoza to'sinini nishonga oldi. Klopp o'yinni almashtirishlar bilan o'zgartirishga harakat qildi, ammo kech edi. Majburiyat nuqtai nazaridan, "Everton" mavsumdagi eng yaxshi o'yinlaridan birini namoyish etdi va endi Premyer-ligadagi o'rnini saqlab qolishi mumkin. Jadvalning eng quyi pog'onasida ular shunday tezlikda ochko to'plashmoqdaki, "Everton" qolgan barcha o'yinlarda mag'lub bo'lgan taqdirda ham APLda qoladi.
"Liverpul"ga kelsak, ular uchun mavsum tugadi. Jamoa Angliya kubogi va Yevropa ligasidan chiqib ketdi. "Arsenal" bilan farq uch ochkoni tashkil etmoqda. "Siti" bilan oradagi farq besh ochko hisoblanadi. Bu ikkala klub birdaniga ikkita xatoga yo'l qo'yishi dargumon. Ko'rinishidan, Kloppning "Liverpul"dagi so'nggi mavsumi ayanchli yakun topmoqda.
