Fayzullayev ham finalda o‘ynamaydi
U Moskvaga yo‘l olgan.
O‘zbekiston Olimpiya terma jamoasi hamda Rossiyaning “SSKA” klubi yarim himoyachisi Osiyo kubogi final uchrashuvini o‘tkazib yuboradi.
Bu haqda O‘FA matbuot xizmati xabar berdi. Ta’kidlanishicha, futbolchi Moskvaga yo‘l olgan.
“U-23 Osiyo kubogida terma jamoamizning tarixiy natijasiga munosib hissa qo‘shgan futbolchimiz Abbosbek Fayzullayev kelishuvga muvofiq, navbatdagi muhim o‘yinlarga tayyorgarlik ko‘rish uchun Moskvaga yo‘l olmoqda”, — deyiladi matbuot xizmati taqdim etgan xabarda.
Eslatib o‘tamiz, Abbosbek Fayzullayev terma jamoa safiga turnir yarmida kelib qo‘shilgan va O‘zbekiston Olimpiya terma jamoasining chorak va yarim final bahslarida asosiy tarkibda maydonga tushgan edi.
