Jek Grealish "Chelsi"ga o'tishi mumkin
U "Manchester Siti"ni tark etishi mumkin.
"Manchester Siti" vingeri Jek Grealish yozgi transfer oynasida jamoani tark etishi mumkin.
Jurnalist Saymon Fillipsning ijtimoiy tarmoqlarda yozishicha, Londonning “Chelsi” jamoasi o‘z tarkibini kuchaytirish imkoniyatlarini o‘rganmoqda va o‘yinchiga ko‘z tikib qo‘ygan.
Eslatib o'tamiz, Jek Grealish 2021-yildan buyon "Manchester Siti"da o'ynab kelmoqda. Joriy mavsumda futbolchi barcha turnirlarda 35 ta uchrashuvda qatnashib, 3 ta gol va 3 ta golli uzatmaga mualliflik qilgan. Futbolchining klub bilan amaldagi mehnat shartnomasi 2027-yilning yoziga qadar amal qiladi. Transfermarkt portalida berilgan ma'lumotlarga ko'ra, futbolchining bozor qiymati 65 million yevroni tashkil qiladi.
