"Bavariya"da jiddiy yo‘qotish bor
Jamoa kelayotgan haftada Madridga safar qiladi.
Kelayotgan haftada Chempionlar ligasi yarim finalidan o‘rin olgan so‘nggi uchrashuvlar bo‘lib o‘tadi. "Borussiya" PSJ mehmoni bo‘lsa, "Real" o‘z maydonida "Bavariya"ni qabul qiladi. "Santyago Bernabeu"dagi o‘yin oldidan myunxenliklar tarkibida jiddiy yo‘qotish bor.
Bundesliganing 32-turidan o‘rin olgan "Shtutgart"ga qarshi bahsda Tomas Tuxel shogirdlari mag‘lubiyatga uchrashdi. 17-daqiqada Rafael Gerreyro jarohat olib, maydonni tarki etdi. Uning o‘rniga esa Leron Goreska o‘yinga qo‘shildi.
Ma’lum bo‘lishicha, portugaliyalik futbolchi to‘pig‘idan lat yegan va keyingi bellashuvlarni o‘tkazib yuboradi. Uning uchun mavsum o‘z yakuniga yetgan bo‘lishi ham mumkin.
O‘tgan yozda "Bavariya"ga erkin agent sifatida o‘tgan Gerreyro so‘nggi paytlarda jamoaning muhim a’zolaridan biriga aylana oldi. "Real"ga bilan bo‘lib o‘tgan dastlabki o‘yinda zaxirada qoldirilib, ikkinchi taym boshida maydonga tushirilgandi. Bu safar boshlang‘ich tarkibga kiritilishi kutilayotgandi.
