TIFda salkam 27 milliard dollarlik shartnomalar imzolandi
Forum 93 davlatdan 2,5 mingdan ortiq ishtirokchini jamladi.
III Xalqaro investisiya forumi 93 davlatdan 2,5 mingdan ortiq ishtirokchini jamladi. Tadbir natijasida jami $26,6 milliardlik shartnomalar imzolandi. Taqqoslash uchun, 2022-yilda bu ko‘rsatkich $11 mlrdni tashkil etgandi, bu esa mamlakatga sarmoyaviy qiziqish ortganidan dalolat beradi.
Jumladan, “Yangi Toshkent”da shahar infratuzilmasini qurish ($1 mlrd), “ma’lumotlarni qayta ishlash markazi”ni yaratish ($3 mlrd), Qoraqalpog‘istonda shamol elektr stansiyasi va elektr energiyasini saqlash qurilmalarini qurish ($6,2 mlrd) va boshqalar bo‘yicha kelishuvlarga erishildi.
Forum xalqaro OAVlarining e’tiborini tortdi va uni dunyoning 30 davlatidan 110 dan ortiq xorijiy nashrlar, jumladan, jahonning yetakchi OAVlari: “CNN”, “Euronews”, “London Post” va “Associated Press” yoritib bordi.
