Toshkentda Mudofaa vazirligi qo‘shinlarining namoyishkorona piyoda yurishi o‘tkaziladi
U soat 14:00 da “Gʻalaba bog‘i” yodgorlik majmuasidan boshlanadi.
Mudofaa vazirligining ma’lumotlariga ko'ra, mazkur yurish Ikkinchi jahon urushida qozonilgan g‘alaba hamda Xotira va qadrlash kuni munosabati bilan tashkil etilmoqda.
Harbiy bo‘linmalarning tantanali ravishdagi piyoda yurishlari bugun soat 14:00 da “Gʻalaba bog‘i” yodgorlik majmuasidan boshlanadi. Senariy bo‘yicha “Magic City” maydonidagi to‘xtash nuqtasida Faxriy qorovul jamoasi va qo‘l jangi ustalarining ko‘rgazmali chiqishlari namoyish etiladi.
