“O‘zbekiston inson huquqlari sohasida yutuqlarga erishmoqda”
Antoniu Guterrish O‘zbekiston haqida fikr bildirdi.
Rasmiy tashrif bilan mamlakatimizda bo‘lib turgan Birlashgan Millatlar Tashkiloti Bosh kotibi Antoniu Guterrish O‘zbekiston haqida fikr bildirdi:
“O‘zbekiston inson huquqlari sohasida yutuqlarga erishmoqda. BMT Inson huquqlari bo‘yicha Oliy komissarining o‘tgan yili mamlakatingizga tashrifi ham buning yaqqol ifodasidir. Umid qilamanki, ushbu muhim yo‘nalishdagi hamkorligimiz kelgusida ham davom etadi.
Paxta dalalarida majburiy mehnatga barham berish, fuqaroligi bo‘lmagan shaxslarga fuqarolik berish, ayollar va bolalarni Suriya va boshqa yerlardagi lagerlardan qaytarish va reintegratsiya qilish – tom maʼnodagi ijobiy o‘zgarish hisoblanadi hamda boshqa davlatlar uchun o‘rnak bo‘ladigan namunadir”.
