Turkiyaga ketgan o‘zbekistonlik yigit bedarak yo‘qoldi
U 1999-yil Qashqadaryo viloyatida tug‘ilgani aytilmoqda.
Turkiyaga chiqib ketgan o‘zbekistonlik yigit bedarak yo‘qolgani aniqlandi. Bu haqida mamlakatning Istanbul shahridagi Bosh konsulxonasi xabar berdi.
Ma’lum qilinishicha, yaqin qarindoshlarining murojaatiga ko‘ra, 2022-yil oktabr oyida O‘zbekistondan Turkiyaga chiqib ketgan va bedarak yo‘qolgan 1999-yil Qashqadaryo viloyatida tug‘ilgan Norsaidov Doston O‘ktam o‘g‘li qidirilmoqda.
U to‘g‘risida ma’lumotga ega bo‘lgan fuqarolardan Istanbul shahridagi Bosh konsulxonaga telefon raqami yoki uzbekconsul@yahoo.com orqali xabar berish so‘raldi.
