Farg‘onada suv taʼminoti xodimi kaltaklandi
Holat yuzasidan rasmiy munosabat bildirildi.
Maʼlum bo‘lishicha, Marg‘ilon shahrida isteʼmol qilingan ichimlik suvi haqini o‘z vaqtida to‘lamagan fuqaro janjal chiqargan.
Oqibatda xodimning pastki jag‘ qismi sinib, unga og‘ir tan-jarohati yetkazilgan. Suv taʼminoti xodimining sog‘lig‘i va unga yetkazilgan tan-jarohati to‘g‘risida tibbiy xulosalar mavjud.
“Ushbu holat Farg‘ona viloyati IIB Marg‘ilon shahar bo‘limi tomonidan nazoratga olinganligi maʼlum qilinadi”, deyiladi xabarda.
