O‘zbekistonlik yoshlarning IELTS olish bo‘yicha ma’lumotlari ochiqlandi
To'rt yil ichida 5 barobarga o‘sish kuzatilgan.
Yoshlar ishlari agentligi direktori Alisher Sa’dullayevning ma’lum qilishicha, IELTS imtihonidan 5,5 va undan yuqori ball olgan yoshlar soni 2020-yilda 10 152 nafarni tashkil etgan bo‘lsa, joriy yilda ularning soni 52 706 nafarga yetgan. Ya’ni 5 barobarga o‘sish kuzatilgan.
7-8 ball (C1 daraja) qo‘lga kiritganlar soni 2020-yilda 1807 nafar, 2024-yil holatiga esa 13 424 nafarni tashkil etmoqda. O‘z navbatida bu 7,4 barobarga o‘sish kuzatilganini anglatadi.
8,5-9 ball (C2 daraja) qayd etganlar soni esa 2020-yilda 14 nafar bo‘lgan, 2024-yil holatiga esa ularning soni 332 nafarga yetgan.
