Xonanda Baxtiyor Sultonov vafot etdi
Bu haqida shoir Bobur Bobomurod o‘zining Instagram sahifasida maʼlum qildi.
"Bugungi tong noxush xabar olib keldi. Bir paytlar “Bedana” qo‘shig‘i bilan mashhur bo‘lgan xonanda, sozanda, bastakor, eng muhimi, yaxshi inson Baxtiyor Sultonov vafot etibdilar. Ikki kun oldin 1 yanvar kuni kechqurun telegramdan yangi yil tabrigini jo‘natgandilar. Kecha kechqurun Kumushning yangi xorazmcha qo‘shig‘ini studiyada ayttirish uchun ustani chaqiramiz deb reja qilgandik. Baxtiyor aka bilan ancha hamkorlik qilganmiz, ko‘p suhbatda bo‘lganmiz. Doim harakatda edilar. Niyatlari ko‘p edi", — deb izoh qoldirgan shoir.
Baxtiyor Sultonov “Bedana” qo‘shig‘i bilan muxlislar qalbidan joy olgandi, u “Toshkent” guruhining xonandasi bo‘lgan. Shuningdek, marhum xonanda “Dildorim”, “Do‘st”, "Bog‘ saylina galadi" va boshqa qo‘shiqlar muallifidir.
Zamon.uz tahririyati marhumning oila aʼzolari va yaqinlariga hamdardlik bildiradi.
