Toshkent viloyatida yong‘in yuzaga keldi
Hozirda yong‘inning kelib chiqish sabablari o‘rganilmoqda.
Bugun, 4-aprel kuni, soat 18:20 da Toshkent viloyati Favqulodda vaziyatlar boshqarmasi Tezkor boshqaruv markaziga Toshkent tumani, “Farovon” MFY, Ulug‘bek ko‘chasida yong‘in sodir bo‘layotgani haqida xabar kelib tushdi.
Favqulodda vaziyatlar xodimlari voqea joyiga 18:28 da yetib borishdi. Yong'inni to‘liq o‘chirish ishlari soat 19:03 da yakunlandi.
Yong‘in natijasida bir-biriga tutash ikki bino va uchta nosoz Damas avtomobili zararlangan. Umumiy 145 kvadrat metr maydon yonib zarar ko‘rgan bo‘lsa-da, o‘t o‘chiruvchilar 700 kvadrat metr maydonni saqlab qolishga erishdi.
Hodisa oqibatida hech kim jabrlangan va halok bo‘lganlar yo'q.
