Lionel Messi “Inter Mayami” bilan shartnomasini 2028-yilgacha uzaytirdi
Fulbolchi 2023-yil yozidan buyon “Inter Mayami”da to‘p surmoqda.
Lionel Messi “Inter Mayami” bilan shartnomasini 2028-yil oxirigacha uzaytirdi. Klub rasmiy saytida 38 yoshli hujumchining yangi kelishuv tafsilotlari e’lon qilindi.
Messi o‘z bayonotida: “Men bu yerda qolib, orzuimni haqiqatga aylantirgan loyiha ustida ishlashni davom ettirayotganimdan juda xursandman. Mayami Freedom Park stadionida o‘ynash — bu menga katta quvonch bag‘ishlaydi. Bu yerda qolayotganimdan xursandman” — deya ta’kidladi.
Messi 2023-yil yozidan buyon “Inter Mayami” sharafini himoya qilmoqda. Shu vaqt ichida u barcha musobaqalarda 82 o‘yinda maydonga tushib, 71 ta gol urdi va 37 ta golli uzatma amalga oshirdi. Transfermarkt ma’lumotlariga ko‘ra, uning bozor qiymati 18 million yevroni tashkil etadi.
