O‘zbekiston aholisi 38,2 milliondan oshdi
Mamlakat aholisi bir yilda 693,5 ming kishiga ko‘paydi.
Milliy statistika qo‘mitasi ma’lumotlariga ko‘ra, 2026-yil 1-yanvar holatiga O‘zbekiston Respublikasining doimiy aholisi soni 38 million 236 ming 704 kishini tashkil etdi.
Mazkur ko‘rsatkich o‘tgan yilning mos davriga nisbatan 693,5 ming kishiga yoki 1,8 foizga oshgan.
Hududlar kesimida doimiy aholi soni eng ko‘p Samarqand viloyatida qayd etilib, 4 million 379,8 ming kishini tashkil qilgan. Undan keyingi o‘rinlarda Farg‘ona viloyati (4 million 223,0 ming), Qashqadaryo viloyati (3 million 717,0 ming), Andijon viloyati (3 million 521,8 ming) va Namangan viloyati (3 million 190,8 ming) joy olgan.
Toshkent shahrida doimiy aholi soni 3 million 178,1 ming kishiga yetgan bo‘lsa, Toshkent viloyatida bu ko‘rsatkich 3 million 160,7 ming kishini tashkil etgan.
Eng kam aholi soni Sirdaryo viloyatida qayd etilib, 946,3 ming nafarni tashkil qilgan.
