Oroldan qolgan cho‘l turistlarni qiziqtirmoqda
Nukusda Qoraqalpog‘iston turizmini rivojlantirish bo‘yicha xalqaro forum bo‘lib o‘tdi. Unda ma’lum qilinishicha, ayni paytda mamlakatda 22 ta UNESCSO ro‘yxatiga kirgan tarixiy inshoot va qadamjolar bor. Xorijliklar tarixiy maskanlar qatorida Orol dengiziga ko‘proq qiziqish bildirmoqda.
23-aprel kuni Nukus shahrida Qoraqalpog‘iston turizmini rivojlantirish va bu joyga dunyo eʼtiborini jalb qilish maqsadida xalqaro Destination Karakalpakstan — 2026 forumi bo‘lib o‘tdi. Ushbu Forum O‘zbekiston Respublikasi Turizm qo‘mitasi va boshqa hamkor tashkilotlar tomonidan tashkil etildi.
Forumdan ko‘zlangan asosiy maqsad Qoraqalpog‘istonni Markaziy Osiyodagi istiqbolli turizm destinatsiyalaridan biri sifatida shakllantirish, yangi tur paketlar yaratish hamda xalqaro hamkorlikni kengaytirishdan iborat.
Forum doirasida so‘zga chiqqan Turizm qo‘mitasi raisi o‘rinbosari Sanjar Tajiyevning aytishicha, 2025 yilda mamlakatga 11,7 million xorijiy sayyohlar tashrif buyurgan. Turizm xizmatlar eksporti 4,5 milliard dollarga yetgan. Har oylik turistlar oqimi ilk bor barqaror ravishda 1 million nafardan oshgan. Tashkilot tomonidan 2030 yilga qadar jami 20 million nafar sayyohni O‘zbekiston va Qoraqalpog‘iston hududlariga jalb qilish bo‘yicha aniq vazifalar belgilab olingan.
Qoraqalpog‘iston Respublikasi Vazirlar Kengashini Raisi o‘rinbosari Rasul Zarikevning aytishicha, Qoraqalpog‘istonda xorijlik sayyohlarni jalb qila oladigan tarixiy maskanlar va milliy urf-odatlar yetarli. Unga ko‘ra, hozirda Qoraqalpog‘iston Respublikasida 22 ta UNESCSO ro‘yxatiga kirgan tarixiy inshoot va qadamjolar bor.
Forum doirasida Yevropa va Osiyoning 20 ta davlatidan, jumladan, Fransiya, Italiya, Norvegiya, Shveysariya, Belgiya, Turkiya, Bosniya va Gersegovina, Rossiya, Ozarbayjon, Qozog‘iston, Pokiston va Xitoy kabi mamlakatlardan yetakchi turoperatorlar ishtirok etmoqda.
Bosniyadan kelgan forum ishtirokchisi Solak Milosning aytishicha, Orol fojiasi va undan keyin kelib chiqqan ekologik muammolar odamlarning diqqatini tortadi.
Shuningdek, u Bosniya tog‘lar va yashil o‘rmonlar qoplanganligi sababli mamlakat fuqarolari uchun Orol suvidan qolgan cho‘l u yerliklar uchun noyob hisoblanadi va odamlariga qattiq taʼsir qiladi.
“O‘zimni boshqa tarixiy o‘tmishga, boshqa tabiiy boyliklarga ega mamlakatdan kelganimni inobatga olsak, bu cho‘l hududlaridir. Ular bu yer uchun juda o‘ziga xos. Shaxsan men yam-yashil o‘rmonlar va sersuv mamlakatdan kelganim uchun, hayotimda ilk bor cho‘lni ko‘rish juda qiziqarli va noyob tajriba bo‘ldi.
Shu sababli, o‘ylaymanki, mening yurtimdan kelgan ko‘pchilik odamlar ham xuddi shunday taassurot oladi. Albatta, Orol dengizi tarixi, uning yo‘qolishi, ortidan kelgan ekologik falokat va u yerdan kelib chiqqan ekologik muammolar sababli yuzaga kelgan ijtimoiy fojia ham shular jumlasidan. Bu voqea mening yurtdoshlarimga, shubhasiz, qattiq taʼsir qiladi.
O‘ylaymanki, kemalar qabristonini, Mo‘ynoqdagi sobiq portda qolib ketgan eski kemalarni ko‘rish — bular mening yurtimdan kelgan odamlar uchun albatta kelib ko‘rishga arziydigan joy hisoblanadi. Yana shuni ham aytishim kerakki, Nukusdagi Sovetskiy muzeyni ham o‘zim uchun albatta kelish kerak bo‘lgan manzillar qatoriga qo‘shdim”, — dedi xorijlik turoperator.
