O‘zbekistonda eng ko‘p bola tug‘iladigan hududlar ma’lum qilindi
Tug‘ilish darajasi bo‘yicha Surxondaryo va Qashqadaryo yetakchilik qildi.
Milliy statistika qo‘mitasi 2025-yil yakunlari bo‘yicha O‘zbekistonda tug‘ilish darajasi haqidagi ma’lumotlarni e’lon qildi.
Unga ko‘ra, mamlakat bo‘yicha o‘rtacha tug‘ilish ko‘rsatkichi har 1000 nafar doimiy aholiga 23,2 nafarni tashkil etgan.
Hududlar kesimida eng yuqori ko‘rsatkichlar Surxondaryo viloyatida — 27,5 hamda Qashqadaryo viloyatida — 27,1 etib qayd etildi.
Shuningdek, Samarqand viloyatida tug‘ilish darajasi 24,5, Jizzaxda 24,1, Namanganda 23,9 va Farg‘onada 23,5 bo‘lgan.
Andijon viloyatida mazkur ko‘rsatkich 22,8, Xorazmda 22,5, Sirdaryoda 22,4, Navoiyda 21,9, Buxoroda 20,9 hamda Toshkent viloyatida 20,5 ni tashkil etgan.
Poytaxt Toshkent shahrida tug‘ilish darajasi mamlakat o‘rtacha ko‘rsatkichidan past bo‘lib, har ming aholiga 19,8 nafarni tashkil qilgan.
Eng past ko‘rsatkich esa Qoraqalpog‘iston Respublikasida qayd etilib, har 1000 aholiga 19,2 tug‘ilish to‘g‘ri kelgan.
