Prezident Shavkat Mirziyoyevning Qatarga tashrifi kutilmoqda
O‘zbekiston rahbarining tashrifi sobiq amirning vafoti munosabati bilan o‘tkaziladigan ta’ziya marosimlarida ishtirok etish maqsadida rejalashtirilmoqda.
Prezident Shavkat Mirziyoyev yaqin kunlarda Qatar Davlatining sobiq amiri Shayx Hamad bin Xalifa Ol Soniy vafoti munosabati bilan ta’ziya bildirish maqsadida Doha shahriga tashrif buyurishi kutilmoqda.
Qatarning sobiq amiri, mamlakatning zamonaviy taraqqiyotiga asos solgan davlat arboblaridan biri Shayx Hamad bin Xalifa Ol Soniy 74 yoshida vafot etdi. Ma’lum qilinishicha, u 12-iyul kuni hayotdan ko‘z yumgan.
Sobiq amirning vafoti munosabati bilan Qatarda 13-iyuldan boshlab to‘rt kunlik milliy motam e’lon qilingan. Ushbu davrda davlat idoralari va jamoat tashkilotlari faoliyati to‘xtatiladi, mamlakat bo‘ylab davlat bayroqlari yarim ustunga tushiriladi.
Avvalroq O‘zbekiston Prezidenti Qatar Davlati amiri Shayx Tamim bin Hamad Ol Soniyga otasi — sobiq amir Shayx Hamad bin Xalifa Ol Soniy vafoti munosabati bilan hamdardlik yo‘llagan edi.
