2025 йилнинг энг қиммат шаҳарлари аниқланди
Монако дунёнинг энг қиммат шаҳри деб топилди.
Henley & Partners халқаро консалтинг компанияси томонидан тузилган “Дунёнинг энг бой шаҳарлари 2025” ҳисоботига кўра, Монако 2025 йилда дунёдаги энг қиммат шаҳар сифатида биринчи ўринни эгаллади.
Майдони атиги 2 квадрат километрдан бироз ошадиган ушбу князликда аҳолининг 40 фоизга яқини миллионер ҳисобланади. Мулк нархи эса квадрат метр учун 38 800 доллардан юқори.
Иккинчи ўринда Нью-Йорк (27 500 $/м²), учинчи ўринда Гонконг (26 300 $/м²) ва тўртинчи ўринда Лондон (24 000 $/м²) жойлашган.
Франциядаги Саинт-Жеан-Сап-Феррат курорт шаҳрида мулк нархлари 21 200 доллардан бошланади. Бу Париждан (20 400 $/м²) ҳам қимматроқ. Еттинчи ўринда эса Сидней (Австралия) бор — 19 500 $/м².
Энг қиммат шаҳарликлар рўйхатида яна қуйидагилар ҳам бор:
Палм-Бич (Флорида)
Маями-Бич (Флорида)
Лос-Анжелес (Калифорния)
Ҳисоботда таъкидланишича, рейтингда энг кўп шаҳар билан Франция етакчилик қилади: Париж, Саинт-Жеан-Сап-Феррат, Нитсса, Канн, Антибес ва Эзе. Кейинги ўринларда АҚШ, Швейтсария (Женева ва Лугано) ва Италия (Портофино ва Порто Серво) келтирилган.
