Andijon viloyatining Oltinko‘l tumanida 5 avgust kuni ikkita avtomashina ishtirokida yo‘l-transport hodisasi sodir bo‘ldi.
Viloyat IIB xabariga ko‘ra, holat soat 22:10 larda Oltinko‘l tumani “Qo‘shtepa” MFY hududidan o‘tuvchi 4R-112 avtomobil yo‘lining 8 kilometrida yuz bergan. 2002 yilda tug‘ilgan A.N. Damas rusumli transport vositasida harakatlanib ketayotgan vaqtida rul boshqaruvini yo‘qotib, yo‘lning qatnov qismida to‘htab turgan Spark avtomashinasining orqa qismiga borib urilgan.
YTH oqibatida hech kim tan jarohati olmagan, har ikkala transport vositalari texnik shikastlangan. Mazkur holat yuzasidan Oltinko‘l tumani IIB YHXG masʼul xodimlari tomonidan surishtiruv ishlari olib borilmoqda.