AQSh prezidenti Donald Tramp Grenlandiya ustidan nazoratni ta’minlash maqsadida harbiy kuch qo‘llanishi ehtimolini inkor etmadi. Bu haqda u NBC News telekanaliga bergan intervyusida aytib o‘tdi.
"Men buni inkor etmayman. Bu ishni albatta qilaman demayman, lekin hech narsani istisno qilmayman. Ayniqsa, hozirgi murakkab vaziyatda", — dedi Tramp.
Davlat rahbarining so‘zlariga ko‘ra, Qo‘shma Shtatlar Grenlandiyaga strategik jihatdan ehtiyoj sezmoqda. "U yerda aholisi juda kam, ammo biz ular uchun javobgarmiz — ularni himoya qilamiz va qo‘llab-quvvatlaymiz. Bu bizning xalqaro xavfsizlik manfaatlarimizga mos keladi", — deya ta’kidladi Tramp.