Бизга қарши санкция жорий этганлар ҳали биздан кечирим сўрайди – Лукашенко
Белорусь раҳбарига кўра, бир йилга қолмай санкция жорий этган давлатлар ўзлари ҳамкорлик таклиф қилади.
Александр Лукашенконинг фикрича, Минск ва Москвага қарши санкциялар қўйган давлатлар охир-оқибат ўзлари кечирим сўрашади. Бу ҳақда презиент Раубичи шаҳрида бўлиб ўтган Минск тоғ-чанғи треки мусобақасида айтган.
Унинг ишонтиришича, кўплаб Беларусь лойиҳалари Россияда амалга оширилмоқда ва бу мамлакат иқтисодиётини қўллаб-қувватлаши керак.
“Сабр қилайлик. Бир йил сабр қиламиз, кейин кўрасиз – улар олдимизга келишади, кечирим сўраб, улар билан ҳамкорлик қилишимизни сўрашади", деган Лукашенко.
Эслатиб ўтамиз, аввалроқ АҚШ Беларусга қарши санкциялар киритган эди. Санкция рўйхатига 20 нафар жисмоний ва 12 нафар юридик шахс киритилган. Лукашенконинг ўғли Дмитрий ҳам санкциялар остида қолган.
