Bugun, 9 sentyabr kuni Buxoro viloyatining Romitan tumanida odam o‘limi bilan bog‘liq yo‘l-transport hodisasi sodir bo‘ldi.
Holat soat 06:48 larda Buxoro-Xorazm yo‘lida yuz bergan. Namanganlik haydovchi Damas boshqaruvni yo‘qotib, qarama-qarshi tomondan harakatlanib kelayotgan FAW rusumli yuk avtomobili bilan to‘qnashib ketgan.
Avtohalokat oqibatida 3 nafar fuqaro voqea joyida va 5 nafari shifoxonada vafot etgan. Vafot etganlarning barchasi Namangan viloyatidan bo‘lib, ular orasida 9 yoshli qizaloq ham bo‘lgan. Voqea joyiga prokuratura, FVB, IIB, SSB hamda tezkor tergov guruhi xodimlari chiqishgan.
Sodir bo‘lgan YTH yuzasidan dastlabki tergovoldi surishtiruv ishlari olib borilayotgani xabar qilindi.