"Fransiya rasmiylari xohlaganlarida men bilan ko‘plab usullarda bog‘lanishlari mumkin edi. Xususan, men tez-tez tashrif buyurib turadigan Dubaydagi Fransiya konsulligi orqali ham aloqaga chiqishlari mumkin edi, — deya fikr bildirdi Telegram asoschisi.
Durovning so‘zlariga ko‘ra, hech bir innovator foydalanuvchilar tomonidan ushbu texnologiyalarni suiisteʼmol qilish ehtimoli uchun shaxsan javobgar bo‘lishi mumkinligini bilsa, yangi texnologiyalar yaratmaydi.
Pavel Durov Telegram “maxfiylik va xavfsizlik o‘rtasidagi to‘g‘ri muvozanat” bo‘yicha kelisha olmaydigan mamlakatlarni tark etayotganini taʼkidladi:
"Rossiya kuzatuvni faollashtirish uchun bizdan “shifrlash kalitlari”ni topshirishni talab qilganida, biz buni ko‘p marta rad etganmiz. Natijada messenjer Rossiyada taqiqlandi. Telegram “anarxistik jannat” emas. “Avgust voqealari” platformaning “xavfsizroq va kuchliroq” bo‘lishiga olib keladi", — deya qo‘shimcha qildi Durov.