Eron 13 apreldan 14 aprelga o‘tar kechasi Isroilga yirik havo hujumi uyushtirdi. Bu haqda OAV xabar bermoqda.
Qayd etilishicha, Islom inqilobi qo‘riqchilari korpusi Isroil hududidagi nishonlarga raketa va uchuvchisiz dronlar orqali zarba bergan.
Hujumni husiylar va Hizbulloh qo‘llab-quvvatlagan. Suriya va Iordaniya osmonida bir necha dronlar urib tushirilgan.
Mazkur hujum aprel oyi boshida Damashqdagi Eron konsulligiga uyushtirilgan raketa hujumiga javob sifatida izohlangan.