Гонсало Игуаин фаолиятини якунлайди
Спортчи йил якунида футбол билан хайрлашади.
Аргентиналик 34 ёшли ҳужумчи Гонсало Игуаин фаолиятини якунламоқчи. Бу ҳақда футболчининг отаси хабар қилган.
"Гонсало мавсум якунида Аргентинага қайтади, деб бўлмайди. У менга ушбу мавсум якунида фаолиятини якунлаши ҳақида айтди. Йил якунида Гонсало футбол билан хайрлашади. Ўғлим фаолиятидан кейин ҳам футболда қолишини истардим. У футболда кўп нарсага эришди ва тўплаган тажрибаси билан катта ишларга қодир", - дейди Хорхе Гонсало.
Маълумот учун, Гонсало 2020 йил "Ювентус"дан АҚШнинг "Интер Маями" сафига қўшилган эди. У жорий мавсум МLS'да 5 ўйинда 2 та голга муаллифлик қилди.
Игуаин "Реал", "Ювентус", "Наполи", "Милан" ва "Челси" сингари клублар шарафини ҳам ҳимоя қилган.
Аввалроқ, Дибала ва Симеоне музокара ўтказгани ҳақида хабар берилганди.
Жамшидбек Амиров
