Испанияда хлор омбори ёниб кетди

 

Испаниянинг Каталония провинциясида жойлашган Clim Waterpool кимёвий омборида содир бўлган ёнғин сабаб бешта ҳудудда фавқулодда ҳолат эълон қилинди.

 

Ёнғин маҳаллий вақт билан соат 02:20 да бошланиб, сузиш ҳавзалари учун мўлжалланган 70 тонна хлор сақланадиган ҳудудда рўй берган. Воқеа жойи яқинидаги аҳоли пунктлари — Барселона провинциясидаги Виланова и ла Гелтрú, Сант Пере де Рибес ва Кубеллес, шунингдек, Таррагонадаги Сунита ва Калафелл аҳолиси дарҳол хавфсизлик чораларини кўришга чақирилган. Улар уйда қолиш, эшик ва деразаларни очмаслик, кондиционер ишлатмаслик ҳақида огоҳлантирилган.

 

Ҳозирча жабрланганлар ҳақида расмий маълумот берилмаган. Шунга қарамай, воқеа жойига қўшимча фавқулодда ёрдам бригадалари етказилган ва хавфсизликни таъминлаш мақсадида айрим йўлларда ҳаракат чекланган.

 

Каталония ўт ўчириш хизмати ёнғин ҳозирда маҳаллийлаштирилганини билдирган. “Ёнғиннинг бошқа омборларга тарқалишига йўл қўймадик. Энди асосий эътибор тутун шлейфининг заҳарлилик даражаси ва тарқалишини назорат қилишга қаратилган”, — дея изоҳ берди хизмати вакиллари.

 

Ёнғинни бартараф этишга 60 нафар ўт ўчирувчи, 20 нафар махсус мутахассис, жумладан кимёвий разведка ва технологик хавфларга қарши ишлайдиган гуруҳлар жалб этилган.