Кейннинг «Тоттенхем»да қолганидан хурсандман — Тухел
Англиянинг «Челси» клуби бош мураббийи Томас Тухел Харри Кейннинг «Манчестер Сити» билан амалга ошмай қолган шартномаси ҳақида фикр билдирди.
Мураббий Кейннинг «шпорлар» билан қолганидан хурсанд эканини айтди.
«Мен бу шартноманинг амалга ошмаслигига ишонардим. Чунки Харри Кейнни бошқа жамоа либосида кўришни тасаввур қилолмайман. Унинг «Тоттенхем»да қолганидан хурсандман.Футболда битта клубга содиқ қолувчи юлдузларни камдан-кам учратиш мумкин. Харри — «Тоттенхем» тимсоли», - дейди Германиялик мутахассис.
Маълумот учун: 28 ёшли ҳужумчи 2011 йилнинг январь ойидан бери «шпорлар» шарафини ҳимоя қилиб келади. Томонлар ўртасидаги шартнома 2023/2024 йил мавсум охирида якунига етади.
Эслатиб ўтамиз, бундан аввал «Интер Маями» Мессини сотиб олмоқчи экани ҳақида хабар берган эдик.
Мақсаджон Обиджонов
