Ким Чен Ин ядро қуроли тадқиқотчилари учун алоҳида шаҳар қурди
Шаҳарда спорт майдончалари, бассейнлар, маданият марказлари ҳам мавжуд.
Оммавий ахборот воситалари хабарларига кўра, Шимолий Корея раҳбари мамлакат ядровий дастурига юзлаб миллион доллар сармоя киритмоқда. Пхенян шимолида “ядро элитаси” — мамлакат ядровий салоҳиятини ривожлантиришда иштирок этган олимлар ва ҳарбийлар учун махсус шаҳар қурилди.
"Бош котиб ўртоқ олимлар учун бахтли макон қуриб берди. Бу ерда олимлар ва муҳандислар социалистик тсивилизациядан тўлиқ баҳраманд бўлишлари мумкин", — дейилади КХДР матбуотида.
Ҳудуд қаттиқ қўриқланиб, у ердан фақат расмийлар томонидан бериладиган махсус рухсатнома билан чиқиш мумкин.
