"Манчестер Юнайтед" 1990 йилги антирекордга яқинлашди
Жамоа чемпионатдаги 13-учрашувида мағлуб бўлди.
Кеча, 6 май куни “Манчестер Юнайтед” Англия чемпионатининг 36-тури доирасида “Кристал Пелас” меҳмони бўлиб, йирик ҳисобда мағлуб бўлди. “Селҳурст Парк” стадионида кечган учрашув 0:4 ҳисобида якунланди.
Бу мағлубият бош мураббий Эрик тен Хаг жамоаси учун чемпионатдаги 13-мағлубияти бўлди. Шу тариқа, "Манчестер Юнайтед" 1990 йилдан бери Премьер-лигадаги мағлубиятлар бўйича клубнинг антирекордини ўрнатди.
2013/2014 ва 2021/2022 йилги мавсумларда Манчестер бир мавсумда 12 марта мағлуб бўлган. Клуб тарихидаги энг ёмон натижа 1989/1990 йилги мавсумдаги 16 та мағлубиятдир.
35-турдан сўнг Манчестерликлар 54 очко билан АПЛ турнир жадвалида 8-ўринни эгаллаб турибди. Чемпионатда «Арсенал» етакчилик қилмоқда (83 очко).
