Kecha, 6-may kuni “Manchester Yunayted” Angliya chempionatining 36-turi doirasida “Kristal Pelas” mehmoni bo‘lib, yirik hisobda mag‘lub bo‘ldi. “Selhurst Park” stadionida kechgan uchrashuv 0:4 hisobida yakunlandi.
Bu mag'lubiyat bosh murabbiy Erik ten Xag jamoasi uchun chempionatdagi 13-mag'lubiyati bo'ldi. Shu tariqa, "Manchester Yunayted" 1990-yildan beri Premyer-ligadagi mag'lubiyatlar bo'yicha klubning antirekordini o'rnatdi.
2013/2014 va 2021/2022-yilgi mavsumlarda Manchester bir mavsumda 12 marta mag'lub bo'lgan. Klub tarixidagi eng yomon natija 1989/1990-yilgi mavsumdagi 16 ta mag'lubiyatdir.
35-turdan so'ng Manchesterliklar 54 ochko bilan APL turnir jadvalida 8-o'rinni egallab turibdi. Chempionatda “Arsenal” yetakchilik qilmoqda (83 ochko).