Маркус Решфорд Роналдунинг “Манчестер Юнайтед”га қайтиши ҳақида нима деди?
“Манчестер Юнайтед” ҳужумчиси Маркус Решфорд Криштиану Роналдунинг қайтиши ҳақида ўз фикрини билдирди:
“Криштианунинг яна Манчестер жамоасига қайтиши мени ҳам футболчи, ҳам “Манчестер Юнайтед” мухлиси сифатида жуда ҳам қувонтирди. Афсонага айланган шахслар билан бир жамоада ўйнаш завқ бағишлайди. “Олд Траффорд”да Роналду билан бирга ўйнаш бизга яна ўзига хос куч-қувват ва тажриба алмашиш имкониятини беради. Умид қиламанки, бу чемпионликни қўлга киритишимизга туртки бўлади”.
Эслатиб ўтамиз, 27 август куни “Манчестер Юнайтед” Роналдунинг “Ювентус”дан трансферини эълон қилди. Ҳужумчи 2003 йилдан 2009 йилгача “Манчестер Юнайтед” шарафини ҳимоя қилган. Жамоа таркибида у премьер-лигада 200 та ўйин ўтказиб, 87 та гол урган ва 34 та голли узатмани амалга оширган.
Аввалроқ, Маркус Решфорд Манчестер университети тарихида энг ёш фахрий докторга айлангани ва Филиппе Коутино премьер-лигага қайтиши мумкинлиги ҳақида хабар берилганди.
Жамшидбек Амиров
