Мбаппенинг таклифи рад этилди
Ҳужумчининг парижликлар сафида қолиш эҳтимоли ошмоқда.
“Реал Мадрид” ва Килиан Мбаппе ўртасидаги музокараларда молиявий қийинчиликлар юзага келди.
“ПСЖ” ҳужумчиси мадридликлардан шартномада келишилганидан 100 миллион евро кўпроқ сўраган. Бу ҳақда журналист Гилем Балагуэ тармоқдаги саҳифасида хабар берди.
“Реал” эса французга рад жавобини берган. Қайд этилишича, “қаймоқранглилар”нинг рад жавоби “ПСЖ”нинг 23 ёшли футболчи билан шартномани узайтириш имкониятини оширади.
Маълумот ўрнида: Мбаппе “ПСЖ”да 5 мавсум давомида Франция чемпионатида 113 та гол урган.
Аввалроқ, Мессининг отаси “Барселона” клуби боғлангани ҳақида хабар берилганди.
