Turar va noturar joylarga nisbatan mol-mulk solig‘i oshishi mumkin. Biroq, bunda soliq stavkasi emas, balki soliq solinadigan mulkning baholanish usuli o‘zgaradi.
Misol uchun, agar sizning uyingiz avval past baholangan bo‘lsa, soliq ham shunga mos ravishda kam bo‘lgan. Yangi tartibga ko‘ra, mulk qayta baholanadi va agar uning qiymati oshgan bo‘lsa, to‘lanadigan soliq ham ortadi.
Prezident farmoniga ko‘ra:
- 8 milliondan ortiq turar va noturar joylar,
- 7 millionga yaqin yer uchastkalari iqtisodiy aktiv sifatida qayta baholanadi.
Shuningdek, ko‘chmas mulkning soliq hisoblash, oldi-sotdi, garovga qo‘yish va jamoat ehtiyojlari uchun davlat tomonidan olib qo‘yish jarayonlarida baholash tizimi uyg‘unlashtirilishi belgilandi.